Shillong:Ka Committee halor ka Reservation Roster kan thoh sha ka sorkar ban pynkylla ia ki kyndon ka Commit tee ban plie lad ban ia kren halor ka Reservation Policy ruh, namar ba ka kwah ba ka VPP kan iadon bynta lang ha ka jing iakren jing iathir.
Ka Chairperson ka ‘Reservation Roster’, ka kong Mazel Ampareen Lyngdoh ka la ong ba ka Com mittee kan pan jingbit na ka Sorkar ban pyniar ia ka jing iakren ha ka committee, khnang ban ioh ban iathir lang ia ka Job Reservation Policy kumba la dawa ka VPP.
“Ngi la ia rai lang kiba wan ha ka jingialang ban phah sha u Myntri Rangbah ia ki jingpynsngew jong ngi”, la ong ka kong Ampareen.
Ka la bynrap, “Ngi sngew ba lehse ka la dei ka por ia kane ka Committee ban ai jingmut ia ka sorkar jylla ban shah ia ngi ba ngin ailad ia ka VPP ba kan pynsngewthuh lehse, ia kata ka jingpynkylla ia ka Reservation Policy. Haba ngi la plie ia kata ka jingiakhana sha kata ka thong pat, kan long ruh kaba donkam ia ngi ban shah lang ia kiwei dei ki seng sain pyrthei ba kin ia ai jingmut lang halor ka Job Reservation Policy”.
Ka la ong ba ha ka jingialang mynta ka sngi, la iakren ym tang ia ka Roster hynrei la ktah ruh ia ki katto katne ki mat kiba iadei bad ka Reservation Policy. “Ka Roster ka dei ka khun bad ka Reservation ka dei ka kmie” ka la ong.
“Ngin phah ia kane ka jingiakren jong ngi sha ka sorkar jylla ban kyrpad ba kan plie sa khyndiat ita I jingkhang ban ioh iakren ban ailad ia ka VPP ba kan wanrah ia kita ki jingiohi, ki jingshem jongka halor ka Reservation Policy”, la ong ka kong Ampareen.
Ka Committee halor ka Reservation Roster ka la shong ia ka jingialang ba nyngkong mynta ka Lah sngi u Blei ha kaba baroh ki nongmihkhmat na ki seng sainpyrthei kiba la shah jied ki la poi ban iathir bad ai jingmut, lait noh tang ka seng Voice of the People Party (VPP) ba lam khmat da u Bah Ardent illet Miller Basaiawmoit kaba la kyntai ban leit sha ka jingialang halor ka jingdawa ba dei ban pynthymmai ia ka ain bhah kam.
Ka Kong Ampareen ka la ong ba ia ka ‘roster system’ kaba ka Sorkar ka la pynkhreh na ka bynta ban pyntreikam ia ka ‘Reservation Policy’ la dep ban sngewthuh da ki seng sainpyrthei bad ki la ai ruh ia ki jingmut ban pynbha shuh shuh ha ka Roster.
Nga ba soi kyrteng ha rum,nga sngew ka por ka dei palat ban review lane pynthymmai ia ka RP,da ka ba ia sngew thuh lang baroh arliang mamla,kata Khasi Jaiintia bad Garo.Ngim dei ban bam jakhluit ladei ban don da ki experts bad kumjuh ka law department Jong ka sorkar. Ban pyynbha ia ka RP ban nymdon ba Shah ktah ha dien habud.