Kwah ka JSU ban kiew tulop ki 4th Teacher

Shillong, 9 Jymmang:
Ka Jaintia Students Union (JSU) Shillong Circle ka kyntu ia ka Sorkar jong u Dr Mukul Sangma ba ka dei ban ai kajuh ka hok ia baroh ki nonghikai kumba u la kular ia ki nonghikai SSA. Ka pynpaw ka jingsngewkhia ba ki 4th Teacher kim ioh T.20,493 tyngka kumba ioh lem kiwei ki nonghikai.Ka kyrwoh khubor ka la ong ba ka kynhun myntri sorkar ka la dep rai ban pynkyntiew ia ki tulop baroh ki nonghikai adhoc 100 percent kaba mut ba ki 4th Teacher kiba ioh T.6 hajar mynta bad kin ioh T.12 hajar tyngka.
“Ngi kyntu ruh iaka Kong Roshan Warjri kum ka myntri ban peit ia ki jingpule hapoh jylla jong ngi ban shimkhia iaki jingdawa ki nonghikai katkum ka hok jong ki” ong ka kyrwoh khubor na u bah EC Dkhar President JSU Shillong Circle.