Kwah ka HYC ban sangeh shwa ka khaii khappud

Shillong:Ka HYC Riwar Mihngi Circle ka la ia kynduh ia ki Driver Association jong ka Riwar Mihngi kumjuh ia ki Export Association ba kin pyrkhat bunsien ha shwa ba kin leit pynhap ia ki mar ki mata (Lyngba ka Export Import) sha Bangladesh hadien ba ka sorkar ka mut ban plie noh ha ka 9 tarik mynta u bnai.

Ka seng ka lyngba ka kyrwoh na u President Samla Edmund Khongngai, u la kyntu ia ki Association ba kim dei ban khohreh tang namar ba ka sorkar ka plie noh ia kane ka lad khaii (Trade) kaba don ha Tamabil Dawki.
La ong ruh ba lada jia ba kane ka jingpang kan ioh rung ha ka thaiñ, kaba nyngkong eh ka long ki paidbah ki ban kynduh ia ka jing jynjar kumba la iohi ha khappud  ribhoi. namar ka sorkar ka la pyn jari da ka Curfew ha kaba ki paid kim ioh shuh tang ban mih na la ki ing ki sem.

Kumta une u nongialam u kyntu bad kyrpad ia ki nongialam ka Association ba kin pyrkhat lang ia jingshngaiñ ka thaiñ khnang ban lait na une jingpang.