Kwah ka HNLC ban thung ksiang ka sorkar, pdiang lada thung da u bah Cherish

Shillong: Ka HNLC lyngba ka khubor na u General Secretary jong ka u bah Saiñkupar Nongtraw ka la ong ba la da ka sorkar ka kwah ban ia kren ka long kaba kloi ban pdiang sngewbha bad ka kwah ba lada ka sorkar ka kwah ban ia kren ia suk ka dei an thung ia u ksiang ban pynbeit ia katei ka kam.
Ka HNLC ka la ong ba ka pdiang sngewbha lada ka sorkar ka thung ksiang da u General Secretary ba la shongthait na katei ka seng ruh u bah Cheristerfield Thangkhiew ne lada ka thung da uno uno u briew uba ka sngewbit. Katei ka seng ka la ong ba dei ka sorkar kaba pynlong kamkai ia ka jingthmu ban ia kren ia suk bad ka la ong ruh ba lada ka sorkar ka ong ban ym buh kyndon ban ia kren ia suk ka dei ruh ban ym buh kyndon ban pyndem wait shuwa. Katei ka seng ka la pynpaw ruh ia ka jingsngewkhia kaba la jia ha kine ki sngi ha Umwali bad ha ki thaiñ Langpih.