Kwah ka FOCUS ban thaw, ia ka tnad ban peit tang ia ki District Council

Shillong, 18 Iaiong:
Katto katne ngut ki dkhot jong ka Forum ki district Council ka thaiñ shatei Lam mihngi kaba kynthup ia u CEM ka KHADC u bah Pyn shngaiñ N Syiem uba dei u chairman, u CEM ka north Cachar Hills District Council u Debojit Theosen uba dei ruh u Member Secretary ka FOCUS ki la ia kynduh mynta ka sngi ha nongbah Shillong ban ia kren ia ki kam ba ia dei bad ki district Council. Ha katei ka jingiakynduh ki la pynpaw ba kin leit sha Delhi ban ia kren bad ka sorkar pdeng ba kan thaw ia ka tnad ka ban peit kyrpang tang ia ki district Council khnang ba ki kam ba ia dei bad ki district council kin iaid beit iaid ryntih.
U bah Pynshngaiñ haba kren hadien ba la wai katei ka jingiakynduh jong ki u la ong ba ki District council ka Thaiñ Shatei Lam Mihngi ki sngewnguh ia ka sorkar pdeng kaba la theh tyngka da ki hajar klur ia ki district Council ka thaiñ shatei Lam mihngi hynrei u la ong ba ka pisa kaba wan na ka sorkar pdeng ka hap ban iaid lyngba ka sorkar jylla bad ka shim por ia ka sorkar jylla ba kan pyllait ia ka pisa jong ka District Council , “Ka la dei ka por ba ka sorkar jylla kam dei shuh ban pyllait tang ia ka pisa ba la ioh bhah na ka sorkar pdeng hynrei ka dei ruh ban siew ia ka sut namar ka jingpynslem jong ka” ong u bah Pynshngaiñ.
“Ngin pyrshang ban leit iakynduh ia u Myntri Pla tyngka ka ri u Arun Jaitley bad ia u Myntri Rangbahduh jong ka ri u Narendra Modi ban iakren ha kaba iadei bad ka rukom pyllait ia ka pisa ka tyngka sha ki District Council bad ia kiwei kiwei ki jingeh kiba U Member Seretary ka FOCUS uba dei ruh u CEM ka North Cachar Autonomous Council u Debojit Thaosen, ula ong ba “Ngi hap ban kmen ia ka rukom bhah tyngka jong ka sorkar kmie hynrei kan sngewtynnad shibun lada ka sorkar ka bhah tyngka kham bun namar ba ka NCAC mynta ka kynti kala shah bhah tyngka tang 34 klur bad ka long kaba rit bha haba ianujor bad ka jingshah bhah tyngka jong ka KHADC bad ka Bodoland Territorial Council kaba la shu pynshong nongrim katkum ka jingbun paid” ong u Theosen. U CEM ka North Cachar ADC u la ong ruh ba ka FOCUS kan leit ban dawa na ka sorkar pdeng ba kan pynioh biang ia ki skhim kiba la pynsangeh mynta kum ka Hill Area Development Project bad ka BRGF scheme.