U Narendra Modi, myntri rangbahduh ka Ri, ula jop don burom ia ka elekshon Lok Sabbha na Varanasi Constituency ha u snem 2014 bad ha kane ka kynti, la iathuh ba U Modi, un iakhun biang na katei kajuh ka Constituency; katba ia ka Vadodara, kaba dei kawei pat ka lympung ia khun, kaba ula ia khun ha u snem 2014, ka dang iaid ha ka jingiakren, la un ia khun biang ne em ha kane ka kynti.
Na ka liang ka seng Congress, ka kwah ia ka Priyanka Gandhi, kaba dei ka General Secretary Uttar Pradesh (East), ba kan ia khun pyrshah ia U Modi, ha Varanasi, ha kane ka kynti bad ha kawei ka liang, la iathuh ba U Hardik Patel ruh uwei na ki nongialam jong ka jaitbynriew Patidar, un iakhun ha kane ka kynti na Varanasi.
Ha u snem 2014, U Modi, ula jop ia ka Varanasi, da kaba u pynliem ia U Arvind Kejriwal, nongialam jong ka AAP, da 3.37 lakh vote, kaba dei ka jingjop kaba bun vote tam. Ha katei ka jingialeh, U Modi, ula ioh da 5,16,593 vote, katba U Kejriwal, u ioh 1,79,739 vote.