Kwah ka Congress, ban iatreilang bad ka TMC, VPP, ha iing dorbar

Shillong:U bah Ronnie V Lyngdoh ula ong mynhynnin ka sngi ba un thoh sha baroh ki seng sain pyrthei kiba don ha ka liang pyrshah ba kynthup ia ka Voice of the People Party bad kumjuh ia ka Trinamool Congress khnang ban iakren iasngewthuh jing mut halor ki mat kiba ktah ia ka jylla.

Haba kren mynhynnin ka sngi, u bah Ronnie u la ong ba ki mat kiba ktah ia u paidbah, yn rah ha kane ka dorbar mang tyngka kaban sa sdang ha ka 16 tarik mynta u bnai. Ha ka liang pyrshah ka Congress ka don 5, ka TMC ka don 5 bad ka VPP ka don 4 ngut ki MLA.