Kwah ka Ampareen ban plie iew ha Ringrey

Shillong, 20 Jylliew:
Ka Myntri kam pyn roi sor ka kong Ampareen Lyngdoh kala bthah ia ka tnad pynroi sor ban shna noh ia ka jaka ieng kali ha iew ba don ha Ringrey West Garo Hills.
Hadien ka jingia ksaid kaba la neh katto katne por ha kaba ia dei bad ka iew ha Tura kaba la shna ha ka jinglut kaba la kot sha ka 2.6 klur.
Ka Myntri kam pyn roi sor ka Kong Ampareen Lyngdoh ka kwah ban pynbeit ia ki jingeh ban ioh ban plie noh ia ka iew kaba don ha Ringrey.
Kane ka iew la shna kyrpang na ka bynta ki nongdie madan ba la sah da ki bun bnai.
Haba ia dei bad ka jingbeh noh ia ki nongdei madan ba kin leit sha katei ka iew kaba thymmai na ka liang jong u MLA ka South Tura u Jonh Leslee K Sangma u la ong ba ia mynta kim pat dei ban leit katba ka sorkar kam pat pynbiang.
Na ka liang u Sangma u la khanglad ban plie ia kane ka iew namar ba kam shym la long kaba bit ba biang katkum ki kyndon shna iing kiba la buh da ka sorkar, u la ong ba lada ka sorkar ka leh jubor yn leit sha iing bishar.
Kane ka iew ka don ar mala bad ki kamra ki don 101 tylli baroh. Ia ka pisa ban tei ia kane ka iew la bei na ka skhim backward region grant fund (BRGF). Katkum ki kyndon ka iew ka dei ban don ki jaka ieng kali ki nala kiba biang hynrei ka Tura Municipal Board bad ka Urban affair department kila pynkhein ia kine ki kyndon baroh, la ong u Sangma.