Kwah ILP sa ka WYWO

Shillong, 12 Nailar:
Ka Central Executive Committee ka Western Youth Wefare Ogani sation (WYWO) kaba la long ha ka sngi Saitjain, ka kyrshan ia ka jingdawa ban pyntreikam ia ka Inner Line Permit (ILP) ha kane ka jylla.
Ka seng ka la pyn paw ia ka jingsgew khia jur halor ka jingjyllei ki bar jylla ha Ri lum Khasi bad Jaintia bad lyngba ka ILP yn sa pynkud lad ia ka jingwan rung beain ki mynder sha kane ka jylla.
Halor kane ka seng ka kyrshan tylli ia ka jingiakhih ki sengbhalang ba pawkhmat ka jylla, kiba la iaid shakhmat ban pynbor ia ka sorkar ba kan pyntreikam noh ia ka ILP hapoh ka jylla Meghalaya.
Ka la kyntu ia ka sorkar ba ka dei ban pyntreikam noh mardor ia ka ILP hapoh ka jylla na bynta ban tehlakam ia ka jingwan rung kyrthep ki bar jylla. Kane ka long katkum ka jingpyllait khubor u Bah C Sherkon, General Secretary WYWO.