Kwah ILP ka HANM

Shillong,20 Risaw:
Ka HANM Khlieh riat Circle ka la kynnoh ba ka rukom treikam ka seng Congress ka pyni shai ba katei ka seng ka kwah ban pynkylla rit paid ia ki trai Ri bad ban pynkylla heh paid ia ki bar jylla bad ka la ong ba kane ka la paw shai wat ha ka sain hima sima, ha kaba ka la ong ruh ba ha Meghalaya wat ki bym dei ki achik ruh ki ioh ban long MLA, ka HANM ka la kdew ruh ba katei ka jingjia ka la jia ha ka jylla Tripura ha kaba ki MLA trai Ri ki don tang kumba shi pawa ha Ing dorbar Thaw-ain ka jylla Tripura.
Haba ban jur ba ka ILP ka long kaba donkam eh ha kane ka jylla ka HANM ka la kdew nuksa ruh ia ka jylla Nagaland bad Mizoram ki jylla kiba don ia ka ILP ha kaba ki bym dei ki trai jaka wat la ki dei ki riewlum ruh kim lah ban thied jaka ha kitei ki jylla. Ka HANM ha ka kyrwoh ba la pyllait da u Samla Sambormi Lyngdoh president ka seng u la ong ba ka seng ka don ka jingiohi jngai ba lada ka ILP kam treikam ka nongbah Shillong kan sa kylla kum ka nongbah Agartala kaba la long khlieh da ki bar jylla.