Kwah ILP ka Congress, ong U bah Process

Shillong: U Bah PT Sawkmie, MLA jong ka seng Congress, ula pynpaw ba ka seng congress, ka dawa ban pyntrei kam noh da ka ILP ha Meghalaya.

“Mynta kam dei ka por ban ia sngew pher ‘party’ ne seng bha lang, ngi dei ban ia tylli ban ioh beit da ka ILP” lah bynrap u bah PT Sawkmie.

U bah process u lah ong ruh na ka liang ka seng congress ka pdiang ka ka jing dawa ki sengbhalang ban pynlong da ka ‘Special Session’ na ka bynta ban shim da ka ‘resolution’ ban pyn treikam noh da ka ILP ha Meghalaya baroh kawei.

Haba kylli shaphang ka jing kam u Dr. Mukul Sangma ba ka ILP kam iarap ban tehlakam ia ka jing wan rung khlep ki poiwir, u bah Process T Sawkmie u la ong ba ka thong jong ka seng ka dei beit ban pynioh ILP ha meghalaya bad ia kiwei ki lad iada na ka jing wan rung ki poiwir sah ia kren yn da lah ioh ia ka ILP.

U bah PT Sawkmie u lah kubur ia kane hadien ba u la wan peit bad ai mynsiem ia ki ba shah sumar ha Civil Hospital Shillong hadien ka jing mynsaw ha ka por ba ia tynjuh bor ba ki pulit ha khmat ka ing u lat ka jylla mynnin ka sngi.

U bah Process u la pynrem jur ia ki pulit ki ba pyndonkam da ki bom pynsat khmat bad bom da ki lathi khamtam ia ki long kmie.