Shillong: Ka seng sain pythei Bharatiya Janata Party (BJP) jong ka jylla Meghalaya ka kwah ban wanrah noh da ka Inner Line Permit (ILP) ban tehlakam ia ka jing wanrung khlep ki poiwir ha ka jylla.
U General Secretary ka BJP Meghalaya Unit u bah Bashai Khongwir u lah ong ba ka seng kan sah thoh sha ka BJP kmie ban wanrah da ka ILP ha Meghalaya kuba wanrah ha Manipur.
U bah Bashai Khongwir u lah ong ba ka BJP Meghalaya Unit ka sngew nguh ba ka sorkar kmie ka pdiang ia ka jing ang nud ka jylla ban pyllait haduh 97 percent ia ka Meghalaya ka ba don ki jaka ba hap ha ka Sixth Schedule. U lah ban ruh ba namar ka jing tieng jong ki ki briew ka Meghalaya ia ka jing wan khlep ki poiwir lada ka CAB kan long ain noh ka donkam palat ba ka Meghalaya baroh kawei kan ioh noh ia ka ILP ban tehlakam.
“Kumba ka leh ha Manipur, ngi kyrpad ia ka sorkar kmie ban leh kumjuh ha Meghalaya ban pyntreikam noh ia ka ILP” u lah bynrap.
Kumba shu pyn kynmaw ka jing dawa ILP ha Meghalaya ka lah sdang naduh 1973 bad ka lah nang jur bha ha u snem 2012 haba 13 sengbhalang ba ia lam da ka KSU ki lah pyn jur shuh shuh ia ka jing dawa ILP ha ka jylla Meghalaya.
Phi don ban ong eiei?