Kwah iakren iasuk noh, ka GNLA bad ka sorkar

Shillong, 19 Lber:
Ka Garo National Liberation Army (GNLA) ka la pynpaw ba ka kwah ban iakren iasuk bad ka sorkar.
Ka GNLA ka kwah eh ban iakren iasuk bad ka sorkar ha kaba u Myntri rangbah ka jylla u Mukul Sangma u la ong ban eksamin bad ban shim ia ka rai halor kane.
U commander-in-chief ka GNLA u Sohan D Shira ha ka kyrwoh ba la pynlait ha kane ka sngi Balang u la ong ba ka “ka GNLA ka pdiang ia ka jingthmu ka ban iakren na ka bynta ban wan rah ia ka jingsuk bad u nongsaid ain u Sujit Dey ban pynlong ia ka jingia kren iasuk”.
Ia kane ka jingiakren iasuk dei ban mihkhmat da u Rev Father Ja nuarius Sangma, Rev Bro Insting C Marak, Rev Bro.Boomi merin C Marak, Dr Jova Marak, M. D. Shira, Tonti Marak, Jaynie N Sangma, Babyana M Sangma, Marilyne D. Shira, Roger Benny A Sangma bad u R D Shira.
Kane ka jingiakren iasuk ka la ialap iawer ia ki paidbah ka thain Garo hills ban pynngeit ia ka sorkar ba kan khot iakren ia ka GNLA na ka bynta ban wanrah ia ka suk ka sain ha ka thain Garo Hills.
Kane ka seng lehnoh ka la dawa ban pynioh ia ka Garoland State, da laba phiah noh ia ka Meghalaya. Mynshem taiew, u Sohan u la pynlait ia ka video halor kane.