Kwah ia kren sorkar ki nonghikai SSA

Shillong, 19’lyngkot:
Ka Meghalaya SSA Schools’ Association (MSSASA) 4th Teacher Committee mynta ka sngi ki la dawa ba u myntri rangbah ka jylla u Dr.Mukul Sangma u dei ban khot ia kren ia ki halor ka mat ba ki 1500 ngut ki nonghikai 4th Teacher ki ia kynduh bad ki kwah ban ia kren mynta hi u bnai. “Ngi kyrpad ia u myntri rangbah ban buh tarik ban gin ia kren ha une hi u bnai halor ka jingeh jong ki nonghikai” ong u HM Marbaniang MSSASA 4th Teacher Committee.
Katei ka jingkwah ia kren jong ki ka de hadien ba ka myntri kaba peit ia ka tnad pule puthi ka Deborah Marak ka la ai jingmut ia ki ban ia kren bad u myntri rangbah.U la pynkynmaw ruh ba ka la don teng ia ka jingiakren bad u Dr.Mukul ha ka 31 tarik u nailar ha u snem ba la dep ha kaba ia dei bad ka jingsiew ia ki nonghikai.