Kwah ia bynta khyndew noh ka Kur Thangkhiew Laikpoh

Shillong,7Jylliew:
Ka Kur Thangkhiew Laikpoh, hadien ba ka ioh ia ka rai na ka high Court jong ka Meghalaya myn ha ka 23 tarik u Jymmang, kaba la kyntait ia ka jing bym ithuh shuh jong ka Khasi Hills Autonomous District Council, katba kum ka hukum jongka, kaba 11tarik Risaw 2012.
Halor kane ka jingjop ka seng ‘Kur Thangkhiew Lai-Kpoh bad ki Rangbah Kur ha ka jingialang kaba ka long ha ka 29tarik Jymmang 2013 ha ophis treikam jong ka Kur ha Nongkseh ka la shim ia ka rai ban ba ki Rangbah Kur bad ki Nongkitkam jong ka Seng Kur kin leit jurip noh kloi ia ka khyndew Kur kiba don ha Riangdo , Mawiong , Golflink , Umdithar da ka Global Positioning System (GPS) bad ban ai jingthoh sha u Syiem ka Hima Mylliem ha kaba iadei bad ka kam Basan Nongkseh.
La rai ba hadien ka GPS Survey kan don ka jingiasam bynta noh ia ka khyndew Kur, khamtam eh ia kito ki Kur ki bym don wat tang i tnum iing. Nalor kane kan don ruh ka jingiasam bynta sha ki Kur shynrang bad kynthei kiba ju trei ha ka rep ka riang kumba la sam bynta da ka nuksa ha ka kpoh BUSLA.
Ka seng Kur ka sngew dei ruh ban kham ailad ai lynti ia ki shynrang ba kin long ruh ha ka juh ka por kum ki nongiada na ki nongtap pud bad ki nongdie tuh ia ki khyndew Kur kumba la thmu teng da u Rangbah Kur barim.
Kum ban shu pynkynmaw biang ka Kur Thangkhiew Lai-Kpoh kam sngew dei ne don jingthmu ban die tuh ia ka khyndew Kur hano hano ruh kumba la pynmih hukum bad jingmana na ka ophis jong u Syiem ka Hima Mylliem ha u snem ba la dep. kane ka long katkum ka kyrwoh ba la phah da u Bankhrawnam Thangkhiew, BF Thangkhiew bad O Thangkhiew Rangbah Kur Thangkhiew Lai-Kpoh.