Shillong: Ka Monitoring Cum Implementation Committee (MCIC) jong ka 19th Shillong South konstitwensi, hapoh ka jingialam u bah Sanbor Shullai MLA kan leit ban ia kynduh ia u myntri rangbah ka jylla u Conrad K Sangma kumjuh ia u myntri iada ri ka sorkar India ban ia kren ba ki shipai ki dei ban pynphai biang noh ia ka madan Kyrkit sha ka sorkar jylla na ka bynta ban tei ia ki madan Sports jong ka jylla bad jong ka Laban Sports Club khamtam ban ioh pynkhreh ia ka National Games 2022. Katei ka kynhun kan ia kren ruh ba ki shipai kin pynphai ia ki jaka kiba kim shym la pyntreikam eiei na ka bynta ban shna ia ki jaka ieng kali, ki Children Park, ki jaka leit shabar paidbah, ki Communitty Hall bad kiwei pat ki jingdonkam paidbah.