Shillong: Ka jingialehkai phutbol ba pyllong da ka Tuber Kmai Shnong Social Cultural & Sports Club (TKSCSC), Tuber Kmai Shnong ka poi sha kaba kut ha ka 5 tarik mynta u bnai.
Ha ka jingialehkai ki Shynrang 14-snem, ka Nongsyntoin UP school ka la jop ia ka Robinson Memorial Sec. School lyngba ka Tie Breaker da 5-4. Ia ka nam Player of the Tournament la ioh da u Pul Phawa (Nongsyntoin UPS), Goal Keeper la ioh da u Haudamanki Lyngdoh (Robinson Memorial Sec. School), bad ia ka nam Discipline la ioh da ka Tep Kyndait Govt. UP School.
Ha kawei ka jingialehkai ki TEAM-B, ka Dranage FC ka la jop ia ka Khliehpynthor SC da 1-0. Ha kane ka sngi u Bah Kerbhami Dkhar u la long kum u Kongsan.
Ha ka jingiakop Marathon por 6.00 baje mynstep, la wan shim bynta haduh 82 ngut. Na ka liang ki shynrang, ia ka nam nyngkong la ioh da Rubi Sana, baar Loinmi Phawa, balai Wanbha Sana. Na ka liang ki kynthei, la jop nyngkong ka Nimon Phawa, baar Beauty Phawa, bad balai la jop da ka Rukini Dkhar.
Ha kane ka sngi, ha ka jingialehkai phutbol ki kynthei, ka Kordeinlin Sport Club ka la jop ia ka Nongsyntoin UP School lyngba ka Tie Breaker da 4-2 katba ha kawei ka jingialehkai, ka Neinshnong-B SC ka la jop ia ka O.K United FC da 3-0.
Ia ka nam Player of Tournament la ioh da u Shainki Dkhar (Neinshnong -B SC), Goal Keeper la ioh da u Pharki Ryngkhlem (Neinshnong-B SC), bad ia ka nam Best Discipline la ioh da ka Kordeinlin Sport Club.
Ha kane ka sngi, la wan sakhi da u Honey Bareh (Wahehshnong Lumputhoi) kum u kongsan bad kane ka long ka kyrwoh na u Sport Secretary Shri.Pynshngain Phawa.