Nongstoiñ: Ka West Khasi Hills District Cricket Association (WKHDCA), kala ioh ban pynhap pyrda noh ia ka lympung ialehkai cricket kaba la tip kum ka 3rd Inter School Cricket Tournamement 2019, ha kaba u bah Kit Hoojon President ka BJYM u la long kum u kongsan.
Haba phai sha ka jingiakhun phainal kaba la long hynnin ka sngi ha ka madan NDSA ha Nongpyndeng ka skul Sibsing Memorial Govt. HSS kala ioh ban khur ia ka nam lahduh ha ka kyrdan jong kiba hapoh ka 15 snem da kaba pynliem noh ia ka Anderson HSS da 1 ron.
Shuh shuh ha ka jingialehkai ki kynthei pat jong kiba hapoh ka 18 snem na ka liang jong ka Sibsing Memorial Govt. HSS kala ioh ban khur ia ka jingjop da kaba pynliem noh ia ka St. Francis D’assisi da 19 ron.
Haba phai pat sha ka jingiakhun jong kiba hapoh 18 snem ha ka liang ki khynnah shynrang ka Anderson HSS kala ioh ban khur ia ka nam lahduh da kaba pynliem noh ia ka Sibsing Memorial Govt HSS da 7 wiket.
Ha katei ka sngi nalor u kongsan la iadon lang ruh u bah Peter Lamare na ka Meghalaya Cricket Association kum u symbud kongsan, ki dkhot bad nongkitkam ka WKHDCA, ki riew rangbah bad kiwei kiwei kiba la sam ruh ia ki khusnam sha ki nongjop.
Phi don ban ong eiei?