Shillong: Ka jingialehkai Badminton ba la tip kum ka 1st Badminton Tournament 2019 ba la pynlong da ka Umsning Badminton Committee ka la poi sha kaba kut da ka jingiakhun final ha ka sngi Saitjain ha Indoor Hall Umsning.
Ha ka jingiakhun double ia ka nam lahduh la rah da u Fillterson Kylla bad Jester Nongbet hadien ba ki la jop pyrshah ia u Vicky Myliemngap bad u Mun Marboh.
Ha kane ka sngi u Bah Rocky Kylla, Vice president ka RBWO u long u Kongsan bad u Bah Bandari Ryntathiang President CoRP centrel body kum u symbud kongsan ban sam ia ki khusnam sha ki nongjop ha ka jingiadon lang u rangbah shnong jong ka Umsning Proper B Bah Rocky Marwein ryngkat dkhot ka Umsning Town Dorbar bad ki paidbah kiba la wan ban ai mysiem ia ki nongialehkai.
La iioh ruh ban sam ia ki khusnam sha kiwei ki nongjop ha ki jingiakhun bapher bapher.
Phi don ban ong eiei?