Kut khlem jingmut ka ishu Uranium ki sengbhalang bad ka sorkar

Shillong, 31 Nailar:
Ka jingialang hapdeng ka sorkar bad ki sengbhalang kiba pyrshah ia ka surok Tih Uranium ka la kut noh khlem jingmut khlem mih kano kano ka rai.
Katei ka jingialang la khot lang ia ki kynhun kiba kyrshan ia katei ka surok ruh. Hadien ba la wai katei ka jingialang haba ia kren bad ki nongthohkhubor u General Secretary ka JACSO u bah Robertjune Kharjah-rin, u la ong ba ka jingialang kam poi shaei shaei ruh bad ym shym la lah ban shim ia kano kano ka rai.
Utei u nongialam ka JACSO uba dei ruh ha kajuh ka por u General Secretary ka HYC u la ong ba haba khot ia kum katei ka jait jingialang ka sorkar ka dei ban khot lang ruh ia ki ar tylli ki tnad kata ka Minitry of Road Transport and highway ( MoRTH) bad kumjuh ruh ia ka National Highway Development Corporation Limited (NHDCL) khnang ban ia shai baroh ia ka jingthmu jong katei ka surok. U bah Robert u la ong ba la tip shai ba katei ka surok ka dei ban pynsuk ia ka ijngtih ia u Uranium. Katba u myntri rangbah ka jylla pat u Dr.Mukul Sangma u la ong ba la khot ia katei ka jingialang namar ki jingiakren kiba sahteng ha ka jingialang kaba la dep. Ula ong ruh ba ka sorkar ka ieng skhem ba kan ym shah ban tih Uranium lada khlem ka jingmynjur u paidbah.