Kut ka tamasa phlim balai sngi ha ka nongbah

Shillong, 15 Lber:
Ka tamasa phlim kaba lai sngi kynthih ka la kut ha kane ka sngi Saitjain ha U Soso Tham Auditorium ha kaba ki samla, ki khynnah ki la iatuid ban leit peitkai ia ki phlim ha kine ki lai sngi kynthih.
Ha kine ki lai sngi, la pyni ia ki phlim kum ka ‘Kuttram Kadithal’ na Tamil Nadu, ‘Ek Hota Kau’, ‘Othello’ na Assam ,  ‘Ankhon Dekhi’ nalor kiwei pat. Nalor ka jing pyni phlim ka la don ruh ka workshop ia ki samla ha ka liang ka jingshna phlim.
Ia kane ka tamasa phlim la plie da Myntri Rangbah ka jylla u Dr. Mukul Sangma ha ka sngi Palei.
Ka nongbah Shil long ka la pdiang ia kane ka tamsa la ar snem kynthih. Ka jingthmu ba kongsan jong kane ka tamasa phlim ka long ban kyntiew ia kane ka kam ha kane ka jylla kaba dang duna shibun.
Ia kane ka tamasa kaba la pynlong da ka tnad Directorate ka Film Festivals ka sorkar pdeng ba ka tnad Directorate ka Information & Public Relations, Meghalaya kan neh lai sngi kynthih bad yn pyni ia ki phlim ba bun kum ka Ri, Songs of the Blue Hills, Ranjana Ami Ar Ashbona, A Dream Never Dies, Ankhon Dekhi.