Kut ka por ki Nongsynshar Upper Shillong

Shillong, 29’lyngkot:
Ka Synjuk Ki Nongsynshar Shnong ka Upper Shillong ki la ai por ia u bah Ronnie V Lyngdoh myntri ka tnad pynroi sor uba dei ruh u MLA ka Hima Mylliem hapoh ka 30 tarik mynta u bnai ba un weng noh ia ka jingeh ki nong Upper Shillong namar ka jingkyntur pud ka MUDA ba kynthup naduh ka Occupancy sertiphiket, Labour Cess bad kiwei. Katei ka jingai por jong ki kan kut noh lashai ka lah sngi u blei.
Lah ban kdew ba ha ka jingiakynduh bad ki nongthohkhubor ha kine ki khyndiat sngi ki Nongsynshar Shnong ka Upper Shillong ki la pynkynmaw ba u bah R.V Lyngdoh u la kren hi dalade ialade ba lada um lah ban weng ia katei ka jingkyntur pud ka MUDA ha Upper Shillong un risain noh kum u myntri sorkar bad kumjuh ruh kum u MLA.
Lah ban pynkynmaw ruh ba ki la ong ba lada um lah hapoh ka 30 tarik kin leit pynsngew paidbah ia katei ka mat ba ki paidbah kim ia kynduh jingeh.