Shillong: Ka Meghalaya Squash Racket Association (MSRA) ka la pynlong ia ka lympung ialehkai World Squash Day ba shi sngi ha ka sngi Saitjain jong ka taiew ba la dep.
Ka jingthmu jong kane ka lympung ka long ban kyntiew ia ka jingialekai. Ki don kumba 21 ngut ki nongialehkai ba la wan ban shimbynta kynthup ki kynthei bad shynrang.
Ka Nandini Bayan ka la rah ia ka nam lahduh na ki kynthei bad ka Chayanika Chankakoti ba-ar baroh ar ngut na Assam.Katba kiba jop ha ka semifinal ki long ka Prerna Jaswara bad Pragya Choudhury na Meghalaya. Na ki shynrang u Sujal Pathak ula rah ia ka nam lahduh bad u Dikshanta KD Sharma na Assam ula wan ba-ar bad kiba jop ha ka semifinal ki long u Pawan Sharma na Meghalaya bad Ishaan Jain na Assam. Ha kane ka sngi u JR Marak, Deputy Director, Sports & Youth Affairs ula long u kongsan ban sam ia ki khusnam ia ki nongjop.
Phi don ban ong eiei?