Shillong: Ka jingialehkai 1st Meghalaya State Kickboxing Championship cum 3rd Meghalaya State Selection Trial 2918 ka la kut mynta ka sngi. Na kane ka jingialehkai kumba 80 ngut ki nongialehkai Kickboxer la jied ban leit iashim bynta sha ka lumpung WAKO Cadets Juniors & Seniors Kickboxing Championship 2018 ban long ha Kolkata naduh ka 2 – 5 tarik Nohprah 2018.
Ha kane ka sngi kut, la wan kongsan u Bah Pyniaid Syiem, MDC ka KHADC uba la kular ban thaw lad ban iarap ia ka Meghalaya State Kickboxing Association (MSKA) bad ka Muay Thai Association of Meghalaya (MTAM) na ka bynta ban kham pynjanai ia jaka ialehkai.
Ha kane ka jingialehkai la wan iashim bynta 193 ngut ki nongialehkai na kylleng ka jaka bad la pynlong ia ka jingialehkai hapoh ka jingpeit ki 3 ngut ki International Referees ba kynthup ia u Bah Pynsuklang Sumer, Kong Lambhadaka Patlong bad u Bah Hame Shaniah Suiam.
Ha ka jingialehkai, ka East Khasi Hills ka khut 37 takma ksiar, bud sa ka West Khasi Hills (Mairang) ban khut 21 takma ksiar bad ka West Jaintia Hills kaba khur 9 takma ksiar.
Ka Ri-bhoi District ka la khur 7 takma ksiar bad ka South West Khasi Hills bad ka Garo Hills District ki khur tang mar kawei ka takma ksiar. Ka East Jaintia Hills ka khur kawei ka takma rupa.