Shillong: Ka jingialehkai Karate ka 27th Inter School & 9th Inter College Karate Tournament 2019 kaba sdang na ka 1tarik Nailar ka la kut noh ha kane ka sngi Saitjain ha Laban Sports Club Indoor Hall, Laban, Shillong.
Baroh ki don 428 ki nongiashim bynta na ki 61 tylli ki skul bad 9 tylli ki kolej kiba iashim bynta.
U bah Alan N. Niangti, uwei na ki nongialehkai Karate jong ka jylla, ula wan ban long kum u kongsan ha kane ka jingialehkai.
Ka seng ka la pynkup burom ruh ia ka kong Linza Fenny Syiem kaba la shah thung kum ka Women Coach ka kynhun Indian na ka bynta ka 16th AKF Senior Karate Championship kaba dang shu kut shen bad kumjuh halor ka jingjop jongka ia ka Diploma kum ka Kumite Coach, Asian Karate Federation kaba long ha Tashkant, Uzbekistan naduh 15– 21 tarik Naitung 2019. Kane ka long ka kyrwoh ba la phah da u bah Ksan Kupar Warjri u All Meghalaya Karate-Do Association
Phi don ban ong eiei?