Kut ka Dorbar Lyiur ka JHADC tang ha ka shi sngi; lyngba ka 15th Finance Commission, ioh ka JHADC 8.82 klur

Jowai:Ka Dorbar Lyiur jong ka Jaiñtia Hills Autonomous District Council (JHADC) ka la long tang hynnin shi sngi, ha kaba la wanrah ia ka resolution na ka bynta ban pynbeit ia u pud u sam hadpeng ka Assam.

Ha ka kynta kylli jingkylli ba la wanrah da ki MDC ka liang pyrshah jong ka seng (Congress) kiba kynthup ïa u ma A.A Shullai, bad u ma Holando Lamin. U ma Shullai ula buh ka jingkylli ïa u Chief Executive Member ma T. Shiwat ka District Council halor ka NOC ba la ai sha ka M/s Star Cement Ltd ban tih ïa ka par mawshuh ha Brichyrnot East Jaiñtia Hills, la ïoh ka jubah na u CEM ba la dep ai ïa katei ka NOC ha ka 13 tarik u April, 2011 ba ka bai pynthymmai ka long 15 hajar manla u snem.

Na ka liang u ma Holando Lamin u la buh jingkylli ia ka Executive Committee halor ka Tender na ka bynta ka Check Point kaba don ha Mookyndur kaba dei ka kyrdop ban talasi ia ki kali bar jylla kiba wan ban kamai khlem Trading License.

Shuh shuh ka iing dorbar ka la kynmaw burom ruh ia u MDC ka Tuber u ma Obil Kyndait uba la long kum u CEM, Chairman bad mih khmat ruh ia ka Tuber Constituency haduh 6 sien kynthih. U ma Obil Kyndait u la khlad noh dang shen.
Na ka liang u ma Phasmoon Dkhar u la iathuh ruh hapoh ka iing dorbar ba ka JHADC ka la ioh pdiang ia ka pisa na ka 15th Finance Commission kaba la kot haduh 6 klur 82 lakh tyngka.