Kut ka Behdeinkhlam ka Sein Raij Muthlong, ha Thadmuthlong

Jowai,5 Nailar:
Ka Lehniam Behdeinkhlam jong ka Sein Raij Muthlongka la kutnoh mynta ka sngi hapdeng ka jingshongshit ha kaba ki khonjong ka Niamtre na kylleng ki dong bad ki shnong ki la wan rah ia laki rong ki rup- ki rot ban leit bret ia ki ha ka ‘Thaw Noh Rong’ laneka biar ne Aitnar kaba don ha ka shnong Thadmuthlong .Kane ka lehniam ha katei ka Raij ka la sdang naduh ka 2nd tarik une ubnai. Ha ka saw tarik ka lehniam ka la sdang da ka lehniam knia‘Shain’ kaba dei ka lehniam na ka bynta ban kyrpad ia u nongbuh nongthaw ban beh thong ia ka pang ka shitom.Ha kane ka jingknia la pyn donkam da ki syiar haduh 6 tylli ha kaba iaka jing knia la pyndep ha baroh saw tylli ki phang- mihngi, sepngi,shathie bad shatei. Ha ka sngi kaba bud pat ka la don ka lehniam ba‘Wator Symbe’ kaba dei ka jingknia na ka bynta ban bha ban miat u kbau khaw kiba ki khon ka Raij ki la dep ban bet ban thung sha ki hali kipynthor.Ha ka sngi kaba lai pat, ka don ka lehniam kaba la tip kum ka lehniam‘Shawah –Shanein, ha kaba ha kane ka lehniam la pyndonkam da ka BlangTymmen bad ar tylli ki Sniang. Shwa ban pyndep ia kane ka jingknia, uLangdoh u la iathuh ba dangstep ka don ka jingknia da ki ar tylli kiSyiar bad hadien kane, ki sa pyndep pat iaka jingknia ia ka BlangTymmen ha ka bynta ba kut ka shnong sha thain Mihsngi bad ia ki Sniangpat shaphang Sepsngi ha ka bynta ba kut jong ka shnong.Mynta ka sngi pat kaba dei ka sngi ban pynkut ia kane ka lehniam bashisien shisnem, ka lehniam kaba kongsan kadei ka ‘Knia Khlam’ ha kabaia kane ka niam la pyndep da u Langdoh bad u Waheh-Tre ha ryngkat kajingiarap ki Sangot, u Maji bad u Shutia bad kiwei kiwei ki nongialamniam.Hadien ba la pyndep ia kane ka lehniam, ka la don pat sa ka shad kakmen ha ryngkat ka jingriew ki ksing ki dhah bad ki tangburi, ki Bikurbad ki Tyrlut ha kaba ki khon ka Niamtre Niam tynrai jong ka Raij kika ia shim bynta shongshit.Ia kane ka lehniam mynta ka sngi, la sakhi ruh da ki spah ngut kipaidbah kiba la wan na kiwei kiwei pat ki Raij naduh Jowai bad Tuber.Ki rangbah niam jong ka Sein Raij Muthlong ki iathuh ba hadien kane kalehniam Behdeinkhlam ki dang don sa ar tylli ki lehniam ki ban pyndepshi taiew hadien ka Shad Behdeinkhlam ka don ka jingknia PyrdongShnong lane ka Syiem Pharit Pyrnai bad ka Knia Pyrthat- ka jingkniaban nguh ban dep ia u Syiem Nangkhlieh-Nangjrong ban da ban sumar iaki jingthung jingtep ki jingri jingdup na u lapbah, u Phria bad na uPyrthat bad na kiwei kiwei ki bor jong ka Mariang.U MLA ka thain, u ma Coming Ymbon u la long u kongsan bad u ma ThomborShiwat, CEM ka JHADC u la long u symbud kongsan. La sakhi ruh ia kaneka lehniam da ki bun ngut ki MDC kynthup ia u ma Moonlight Pariat badu ma MB Rymbai nalor heh Sein Raij na Jowai, na Tuber bad na kiwei kiwei ki Sein Raij.