“Kut ka 48 kynta” ym pat kwah ong eiei u MLA ka Nongstoiñ

Shillong,23 Jymmang:
Ka 48 kynta kaba u MLA ka Nongstoiñ u bah Diostar Jyndiang u la ai por ia ki nongkren pyrshah ia u ba ki dei ban pan map ka la kut noh hynrei haba ia kren bad u Rupang u bah Jyndiang u la ong ba um pat kwah ban kren eiei sha ki kotkhubor, hynrei kiwei pat ki lad khubor, ki iathuh ba U MLA, u la pynkhreh ban iaid shakhmat ia katei ka kam.
Lah ban pynkynmaw ba u MLA u la dawa ba ki nongkren sha ki kotkhubor bad ki nongthoh ki dei ban pan map hapoh 48 kynta lym kumta un iaid da kaba un ai notis bad ban rah sha ka Privilege Committee ka Assembly halor ki jingkynthoh pyrshah ia u, kiba u la ong ba ka la ktah ia ka longrynieng shimet jong u.