Kurup tiar siat ki BSF

Shillong,20 Iaiong:
Mynta ka sngi ki shipai BSF kiba don ha East Jaintia Hills distt ki la ioh kurup kawei ka muzzle loaded Single Barrel Gun na ki thain ka Umkiang.
Ha kawei pat ka jingjia ki BSF kiba don ha South West Khasi Hills distt, ki la ioh kem ia uwei u briew uba la tip kyrteng kum u Pra dip K Polin (35) uba shong ba sah ha ka shnong Munai, PO/PS-Ranikor, distt-South West Khasi Hills bad ki la ioh kurup 6 tylli ki Detontor, 6 ki Dorica Gillatine type Indian explosive 25 mm size & 125 gm, 11 ki Safety Fuse , ki la ioh kem ia utei katba u dang iaid da kawei ka thuk thuk Yamaha kaba don ia u registration No-ML05J-6810.La aiti ia kitei ki tiar sha ka PS Ranikor.
Ha ka taiew ba la dep pat, ki shipai BSF ki la ioh kem ia ar ngut ki nongkhaii tiar siat bad ki la ioh kurup 540 bilor ka kyiad, ki dieng ba shongdor T.2 lak tyngka bad kiwei pat ki mar ba be-ain kiba la kot sha ka T.3 lak tyngka. La aiti ia ki ba shah kem bad ki tiar ba la ioh kurup sha ki tnad ba dei peit.