Ka NIA ka la ioh ban kurup T.40 lak tyngka ka pisa, ki pisa rim bad ki ksiar na ingsah jong u Director barim ka Jawaharlal Nehru Institute of Medical Sciences, Imphal u Shyamo Singh. Ka NIA ka la leit ban khynra ha ingsah utei u Director barim ka JNIMS ha ka jingtohkit jong ka ia ka jingkynnoh ba u donkti ban bei tyngka bad pynpoi tiar siat sha ka seng lehnoh Kangleipak Communist Party (KCP). “Ka pisa T.40.03 lak tyngka, ki kot ki sla kiba pyni ia ka jingleh be-ain jong u, ki pisa rim kot T.500 bad T.1000 kiba la pynduh noh kiba kot sha ka T.1 lak tyngka bad 700 kram ka ksiar la kurup na ingsah jong u” ong u nongaiktien ka National Investigation Agency.