Kurup pisa thok ki BSF na South West Khasi

Shillong, 15 Risaw:
Ki shipai BSF ki la ioh kurup bun bah ki pisa thok ka India, pisa Nepali bad Bhutan na khappud ka India bad ka Bangladesh na ka thain South West Khasi Hills.
Ki shipai BSF ki la kurup ia ka pisa na ka thain South West Khasi ha ka thain Borsora ha kane ka sngi u Blei ha ka khappud bad ka jylla Meghalaya.
Ia kine ki pisa la ioh ia ka pisa thok ba la wanrah na uwei u briew ba kyrteng u Vinod Rasali (28 snem) uba dei na u nongshong shnong ka Sonitpur na Assam.
U Rasali u la shah kem ha ki shipai BSF na happud katba u dang thmu ban rung tuh sha India na khappud ka India bad ka Bangladesh. Ki BSF ki la ong ba ioh kurup ia ki pisa thok ba la wanrah na Bangladesh bad la thmu ban leit sam sha iew ha India. U Rasali lem bad ki pisa thok la aiti sha ki pulit ban leh ia kaba donkam.