Kurup pisa T.30 klur antad, na ka iing sah jong u nongtrei, u myntri sorkar ha Jharkhand

New Delhi: Mynta ka sngi, ka Enforcement Directorate, ka la leit khynra, ha kiba bun ki jaka ha Ranchi, ba kynthup ia ka iing sah jong U Sanjiv Lal, u personal secretary jong u myntri sorkar ka Jharkhand, u Alamgir Alan. Na ka iing sah jong u nongtrei jong U Lal, la ioh kurup ia ka pisa kaba don kumba T.20 haduh T.30klur.

Katei ka jingkhynra, ka dei halor ka jingtreikam kaba don ka jingbamsap, ha kaba iadei bad ki skhim, kiba la pyntreikam, da ka Rural Development Department. Kham mynshwa, la kem ia U Virendra K Ram, uba dei u chief Engineer jong katei ka tnat, ha kaba la kam ia u, ha u rymphang ba ladep.

U Alamgir Alan, u dei u myntri ba peit ia ka tnat pynroi nongkyndong ha ka jylla Jharkhand.