Kurup pisa bad ki tiar ki tar, ha shwa ka elekshon MP

Shillong: U Chief Electoral Officer, Meghalaya, u pyntip, ba katba kum ki kyndon jong ka Model Code of Conduct, na bynta ka jingpynkhreh ia ka elekshon Lok Sabha, 2024, la ioh kurup ia bun bah ka pisa, ki droks, ki jingai sngewbha ha ki bynta bapher jong ka jylla.

Naduh ka 16tarik Lber haduh ka 31tarik Lber 2024, la ioh kurup ia ka pisa kaba T.18lak 92hajar bad phra tyngka, ka kyiad kaba long 16,206.69 litar, kaba shongdor T.28.94127, u droks, la ioh kurup 123936.91 grams bad kaba shongdor T.139.0892; ki jingai sngewbha, ki don 1083 bad kiba shongdor T.0.4865. Sa kiwei ki jingioh kurup, ki long 334755.75 tylli bad kiba shongdor T.200.7196. Haduh mynta haba khein lang, ka jingioh kurup pisa bad ki mar bapher, ka poi sha ka T.388.1566.