Kurup masi ki shipai BSF, 208 tylli na khlaw Kuliang

Shillong: Ki shipai jong ka Border Security Force (BSF) ha ka miet 25 tarik nohprah 2019 ki la ioh ban kurup haduh 208 ki masi na khlaw Kuliang ha khap ka khappud jong ka ri ka Bangladesh kiba shongdor haduh 32.7 lak tyngka.

La ioh jing tip ba kine ki masi ki dei ki juh kiba shah kurup teng ha ki shipai BSF ha ki por ba la dep bad kiba la shah die noh lyngba ka ‘auction’. La ong ruh ba ia kine ki masi la thmu ban shalan tuh sha ka ri Bangladesh. Haduh mynta ki shipai Bangladesh ki la ioh ban kurup haduh 1327 ki masi na kylleng jaka kiba hap ha khappud ka ri Bangladesh bad la shu set ia ki hapoh ka jaka ba khmih ka BSF.

Lyngba ka kyrwoh ka BSF ka la pynpaw ba ka long kaei kaei ka ba eh ban peit bad sumar ia ki masi ba ioh kurup na ki jaka khappud. Ki la don kumba 1124 tylli ki masi kiba la iap noh namar ka jing eh ban sumar ia ki.
Haduh mynta ki shipai BSF ki dang ia leh katba lah ban die noh kham kloi lyngba ka ‘auction’ khnang ba ki masi kin ioh ia ki jing sumar ka ba bha bad ruh ban kham pyn jynsur ia ka jing kit khlieh ia ki shipai BSF baroh.