Kurup masi ki BSF 60 tylli, kiba shongdor T.21lak na khappud

Shillong:Ki shipai BSF jong ka Meghalaya, ki iai bteng ban teh lakam ia ka kam khaii masi tuh ha ka Jylla.

La iathuh ba hynnin ka miet, haduh mynta ka step, la ioh kem ia 60 tylli ki masi, kiba shongdor T.21lak, ha kaba la ioh kurup na ki khappud bapher jong ka Jylla.

Ha kawei ka jingjia, la ioh kurup ia kawei ka trok na jingkieng Sonapur, kaba don hajan Umkiang, kaba kit masi khlem ki kot ki sla kiba biang. La ioh kem ia uwei na katei ka trok, katba uwei ula ioh lad ban phet bak na ka jaka jong ka jingjia.