Kurup kyiad pyrsi ki pulit Nongstoin na shnong Domkohmen

Nongstoin, 24 Nailar:
Mynta ka shiteng synnia jong ka miet ki pulit ka Nongstoin ha ryngkat ka jingiatrei lang bad ki dkhot jong ka VDP Dohkohmen, ki la ioh ban kurup noh ia ka kyiad pyrsi kaba la kit da ar ngut ki briew ha kawei ka kali kamai da ka jingthmu ban die beain ia katei ka kyiad pyrsi ha ka thain Malangsu – Phodumbah West Khasi Hills District.
Katkum ka khubor na ki pulit ka Nongstoin la ong ba katei ka kyiad pyrsi kaba la kot ruh da ki spah liter ba la song bha ha ki san tylli ki byrni khaw la wan kit da kitei ki ar ngut ki briew na ka thain Lyngwa Sohiong da ka kali Tourist taxi kaba don ruh ia u registration No-ML-05M 2925.
Kakum ki pulit ia kitei ki ar ngut ki briew kiba la wan kit ia katei ka kyiad la tip kyrteng kum u Wanbor Kurbah 32 snem na ka shnong Lyngwa Sohiong u ba dei u nongniah ia katei kali bad kumjuh u trai jong katei ka kyiad bad u Sothiang Jana 40 snem na ka juh ka shnong.
Haba iakren bad ki nongthoh khubor kitei ki ar ngut kiba la shahkem ha ki pulit ki la iathuh ba ia katei ka kyiad la kit na Lyngwa, Sohiong da ka jingthmu ban leit buh sha u wei pat u briew u ban shim ia ki tei ki kyiad ban khaii beain sha ki thain Mawlangsu, Phudumbah bad kiwei kiwei .
Na ka liang jong ki pulit hadien ba kila ioh ban kem noh ia kitei ki arngut ha ryngkat ka kyiad kila register case pyrshah ia ki.