Kurup kyiad ka VDP Lulong Puriang

Shillong, 22 Naitung:
Ka Village Defend Party ka shnong Lulong Puriang, ha ka janmiet  19 tarik mynta u bnai ka la ioh ban bat ia ar ngut ki briew na ka dukan jongki kiba donkti ban die beain ia ka kyiad hapohshnong wat hapdeng ka jingkhang pyrshah jong ka shnong.
Kine ar ngut ki briew kiba la donkti ban die kyiad beain ki long ka kong Lawei Rani bad ka kong Sil Lawai. Na ka dukan jongka Lawei Rani la ioh ban kurup 10 bilor ka kyiad phareng bad na  dukan ka Sil Lawai la ioh ban kurup  14 bilor ka kyiad phareng hi.
Ka jingdon kum kine ki briew kiba die kyiad beain hapoh shnong , kala pynlong  ban  jyllei ki kam sniew  bad kane ka buh ka jingma kabaia ka imlang sahlang khamtam ia ki khun samla ka shnong.
Ki VDP lulong,Puriang ki pynpaw ka jingsngew sngewuh ia kipulit jong ka Mawryngkneng Police Station kiba kloi ban iasnoh kti langbad ka VDP ban rat dyngkhong ia ki jingsniew, la ong ka kyrwoh na u Bah J.Nongrum u President VDP Lulong Puriang.