Kurup ki pulit Sohra, 15 tylli ki thuk thuk, kem 3ngut ki nonglute

Shillong:Ki pulit ka Sohra, ki la ioh kurup ia 15 tylli ki thuk thuk, kiba la shah tuh bad sa kawei ka scooty bad ki la ioh kem ruh ia 3ngut kiba donkti ha katei ka kam.

Katei ka dei ha ka jing talasi, kaba ar sngi kynthih jong ki pulit, halor ka jingjia, jong ka jingshah tuh kali, kaba la jia ha Sohra Police station, ong ka khubor na ki pulit bad katei ka dei hadien ka jingshah tuh ka thuk thuk, kaba na Laitsohpliah, kaba don haneng ka Sohra.

Ha ka jingwad bniah, la lap ba katei ka thuk thuk, ka don ha Mairang bad ki pulit, ki la leit wad ia katei ka thuk thuk bad ki la ioh kurup ia katei ka thuk thuk bad ioh kem ia arngut ki briew, kiba donkti ha katei ka kam bad ha ka jingphla jong kitei ki arngut, ki iathuh ba u don uwei u snar lute, uba dei na nong Sohma bad uba donkti bha ha katei ka kam, ha kaba u ju leit tuh ia kitei ki thuk thuk bad u leit set pat ha katei ka jaka.
Ki pulit ki la ioh kurup ia 15 tylli ki thuk thuk bad ki la shimti ia kitei ki thuk thuk bad ka jingtohkit ka dang iaid shakhmat.