Kurup ki pulit Ri Bhoi ia 3 ngut ki briew ha ryngkat u drok ba shongdor T. 14 klur

Nongpoh: Ki Pulit ka Ri Bhoi mynta ka step ha ka por 5 baje eiei mynstep, ki la ioh kurup shibun bah u Drok Heroine bad uba shongdor kumba T. 14 klur na kawei ka Bus Night Super kaba wan na Manipur sha Shillong.

Ka jingiohkem ki Pulit ia kitei ki briew bad kurup ïa kitei ki Drok, ka dei hadien ba ki la ïoh jingtip ba la don ka kali kaba kit Drok, kumta haba ki la pynap shrip ha surokbah NH-6 kaba hap ha shnong Saiden, haba ki Pulit ki la talasi ia katei ka bos kaba don ïa u number MN 01 AA 0484, ki la lap sha ia kitei ki Drok lap bad kurup ïa u drok heroine ba la song ha ki 158 tylli ki synduk sabon, ba ki nongshalan ki la buhrieh bha ha ki bynta ba shadien jong katei ka bos.

Haba ïadei bad katei ka jingjia, ki Pulit ki la kem ka 3 ngut, kiba kynthup ïa u nongñiah, uba la tip kum u Saddam Hussein lem bad ki nongbud kiba la tip kum u Igbal Hussain bad u Rashi Judin, kiba la shah suba donkti ha katei ka kam shalan beaiñ ia u Drok.