Shillong: Da ka jingiai bteng ban buddien kumno ban the lakam ia ka jingjyllei ki kam khaii drug ha kane ka Jylla bad khamtam ha ka East Jaintia Hills District. Ka special anti-narcotics drive kaba dei ka joint team jong ka ANTF East Jaintia Hills, Khliehriat Police Station, Ladrymbai Out Post bad Umkiang Patrol Post. Kane ka jingleit khynra kala sdang naduh 8.00 pm jong ka 27th September 2019 bad kala kut kumba 2.00 Baje mynhynnin.
Ha kane ka jing pynap shrip la ioh ban kurup ia ki kuli Yaba/World is Yours Tablets ha ka por 5.15 am jong ka 28 tarik September. Na kawei ka truck kit umphniang kaba wan na Imphal sha Guwahati la ioh bat noh ha Khliehriat Police Station katba dang don ka checking.
Hapdeng ka jingkhynra la ioh ruh kawei ka plastic rong stem kaba don 1,02,000 YABA/World is Yours tablets u ba ka jingkhia kalong 11 Kilograms u ba shongdor 2 Klur. Halor kane kane la register case bad ka jingtohkit ka dang iaid shakhmat. U T driver bad u handyman jong ka tanker la kem noh.
Bad kumba 12.25 mynstep kawei ka night super bus kaba don ia u
registration number AS-01-E-2956 kaba wan na Silchar sha Guwahati la ioh bad noh ha Khliehriat Police Station ha ka por ba don checking.
Ha ka jingkhynra la ioh bat 3 tylli ki synduk sabon kiba don u drugs kumba 30.63 grams. La kem noh ia u trai jong kane ka pla bad ka jingtohkit ka dang iaid shakhmat.
Phi don ban ong eiei?