Shillong:Ar tylli ki tiar siat ba khlain bor, ha ryngkat bad u roket bad u namding, la lap na ka khlaw kaba don hajan ka shnong Dorengkigre, kaba don hajan ka wah Simsang, ha Williamnagar mynta ka step.
La lap ia kitei ki tiar, ha ka jingwad ia ki khlaw ki btap, ha kaba la tep bad buhrieh da U Sohan D Shira, u nongialam ba la shah pyniap ka seng kaikhlaw ka GNLA.
Na shibun ki tiar ba la lap da ki pulit, ki kynthup ia ki mortar kiba ar inshi ba la ju pyndonkam da ki shipai ha ka jingsiat kuli kaba jubor shibun.
Kiwei pat ki tiar ba la ioh kurup ki long ka RPG bad ar tylli ki RPG roket, ka Heckler bad ka Koch 5.56 assault rifle, ka AK 47, 12 tylli ki pistol magazine, 153 round ki kuli HK 5.56mm, 55 tylli ki remote remote bomb circuit, 94 tylli ki kuli 7.62mm ammunition, 11tylli ki bomb remote control, ka walkie talkie communication handset bad 13tylli ki bom .