Kurup ki pulit, 3 tylli ki trok

Jowai, 10 Nohprah:
Ki pulit ka West Jaintia Hills District hynnin ka miet sngi Balang ki la ioh ban kurup ia 3 tylli ki trok bad kem ruh ia ki driver halor ka jingshalan tuh ia u dewiong wat hapdeng ka jingkhang ka NGT.
Kitei ki trok ki dei kiba don ia u No. ML04A-8149, ML04B-3785 bad ML04-9849.
Ka khubor pulit ka la iathuh ba ki pulit ha Phramer Traffic Cell katba ki dang pynlong ia ka jingkhynra kali ha u Surok Phramer –Shang pung, ki la lap ia kitei ki trok. Mar syn poi ki pulit kitei ki trok ki la mut ban phet hynrei ki pulit ki la beh thong bad ioh bat ia ki, katba ia ki nongniah ki la phet noh.Hynrei hadien pat la ioh kem ia ki driver la phah ia ki sha ka iing bishar mynta ka sngi.Ha kawei pat ka khubor, ki pulit ka East Jaintia Hills ruh ki la ioh kem ia ar tylli ki truck kit dewiong be-ain kiba iaid na khmat ka Thanad Khliehriat hi.
Ki pulit Khliehriat ha ka por ba ki dang pynlong ia ka jingkhynra kali, ki la lap ia kitei ki ar tylli ki trok dewiong kiba don ia u No. ML04A 5292 ba niah da u Dei Sumer bad ka trok AS01AC- 6767 ba niah da u Hamboi DKhar.