Mynta ka sngi, ka rel, ka la shah kerkut ha ki ehrang ha ka jylla Balochistan, jong ka Pakistan, ha kaba katei ka rel, kaba leit sha Peshawar, ka la shah kurup noh ha ki ehrang. Ki don 450ngut ki nongleit jingleit, ha katei ka rep, ba kynthup ia ki kynthei bad ki khynah ruh kumjuh.
Ha ka kyrwoh khubor, ka Baloch Liberation Army (BLA), kaba dei ka seng ehrang, ka la kam trai ia katei ka jingdonkti ban knieh noh ia katei ka rel lem bad ki briew kiba don hapoh katei ka rel. Kat haduh mynta, la iathuh ba ki don hynriew ngut ki shipai, kiba la shah siat iap, ha ki ehrang, ong ka khubor.
Ka khubor na katei ka seng ehrang, ka ong “Ka Baloch Liberation Army, ka la kurup noh ia ka rel ha Mashkaf, Dhadar, Bolan, ha kaba ki shipai jongngi, ki la thang ingkhong ia ki lain rel bad ba ka Jaffar Express kam lah shuh ban iaid. Ki shipai ki la kurup ia katei ka rel bad la set noh ia baroh kiba shong ha katei ka rel”.
U nongniah jong ka rel, ula mynsaw, ha ka jingshah siat ha ka sngi hat majai, ong ka khubor bad katei ka rel, ka dei kaba leit ne Peshawar sha Quetta, ha kaba ka la shah siat ha kitei ki ehrang bad ki shipai, ki don mynta ha katei ka jaka, na ka bynta ban pyllait ia kitei kiba shah set ha ki ehrang.
Ki ehrang BLA, ki kam, ba ki la pyndem toin ia ki shipai jong ka Pakistan bad ki don mynta shispah ngut ki shipai, kiba la shah kem ha ki ehrang BLA bad ka BLA, ka byrthen, ba kan pyniap ia baroh kitei kiba don ha ka rel, lada ki shipai, ki iai bteng ban ia pyni bor bad kitei ki ehrang.
Phi don ban ong eiei?