Kurup ki BSF haduh 290 tylli ki masi ba thmu shallan tuh sha Bangladesh

Jowai: Ki shipai iada pud kiba don ha thain Dawki bad Muktapur ki la ioh ban kurup haduh 290 tylli ki masi ha une u bnai bad ha u bnai ba la dep.

Mynta u bnai ki shipai iada pud ki la ioh ban kurup haduh 105 tylli ki masi katba ha u bnai ba la dep la ioh ban kurup haduh 185 tylli na ka thain Muktapur bad Dawki.

Ia kitei ki masi la aiti sha ki pulit na ka bynta ban leh ia kaba donkam bad na ka liang u SP ka West Jaintia Hills, u bah Lakador Syiem u la kyntu ia ki trai ban wan kam ia kitei ki masi ha Dawki Police Station. Ka jing khaii tuh ia ki Masi lyngba ka East bad West Jaintia HIlls ka jur bha ha kaba da ki phew phew trok shisngi la shallan ia ki masi na thain Muktapur, Kuliang bad Kwator.