Kohima: 1,700 kilo ki dohkha ba don da ka bih formalin, la ioh kurup da ka Kohima Municipal Council (KMC), ha ka Sngi Saitjain ha Kohima.
La kurup noh ia kitei ki dohkha, kiba dei ban leit na Dimapur sha Kohima.
Ki dohkha, kiba la ioh kurup ki long ki dohkha Rohu, Katla, Pankaj bad ki shymprong ruh. Hadien kata, la thang noh ia kitei ki dohkha ha Ziiriizou, ha ka jingdon lang ki bor pyniaid District, ki pulit bad ki bor kiba peit ia ka bam ka dih, ong ka khubor.
Ka sorkar Nagaland, ka khang haduh shisnem, kaba sdang naduh U Nohprah 2019, ia ki dohkha kiba don bih formalin bad la bthah ia baroh ki nongdie dohkha, ba kin da phah peit ia ki dohkha jongki sha ka tnat sorkar kaba peit ia ka bam ka dih.
Ha u snem ba ladep, la ioh kurup da ki hajar kilo ki dohkha, na ki bynta bapher ka Jylla bad ka dei halor katei ka phang, kaba pynlong ia ka sorkar Jylla, ba kan khang ia ka jingdie dohkha.
Phi don ban ong eiei?