Kurup ka tnat ED, ia ka pisa u nongtrei sorkar, uba kamai T.1.7klur

Ka tnat jong ka Enforcement Directorate (ED), ka la sdang ia ka jingtohkit, halor ka jing don pisa kaba T.1.7klur jong uwei u nongtrei ka tnat ka koit ka khiah jong ka sorkar India, kaba don ha Kolkata.

Ka Enforcement Directorate (ED), ka la pyn ngat ia U Snehasish Kar bad ka iing jongu, ha ki kyndon jong ka Prevention of Money Laundering Act, 2002 (PMLA). Ka jing suba jong katei ka tnat sorkar, ka long hadien ba ki lap ba U Kar, um ju sei shuh ia ka tulop jongki, la bun bun bnai bad kumta ki la kurup noh ia ki bank account jongu, ia ka pisa ba u pynlang ha post office, ka kali bad ar tylli ki iing ha Kolkata. in a disproportionate assets case.

Katei ka tnat tohkit, ka lap ba U Kar, u trei kum U Upper Division Clerk ha ka ophis jong U Additional Director, ka Central Government Health Scheme (CGHS), Kolkata bad utei ula pyndonkam bakla ia ka kam jongu, da kaba u ioh kamai beain haduh T.53.73lak. La iathuh ba U Kar, u rung kam ha ka CGHS, Kolkata, kum u nongtrei bylla kum u waterman ha u snem 1981 bad hadien kata, u sa long u nongtrei ba pura kum u nos ha ka snem 1982.

Naduh U Kyllalyngkot 2017, ula trei kum U Upper Division Clerk bad ula plie ia shibun ki account ha ka kyrteng jongu bad ha ka kyrteng jong kiba ha iing, ha kaba ula thep bun bah ka pisa, ong ka ED.