Kurup ka KSU Mawkajem, 3 ki kali

Shillong, 2 Jylliew:
Ha ka jingleit talasi kaba kynsan jong ka KSU Mawkajem, kaba sdang na Umtyng ngar sharum, ka la ioh ban talasi ia lai tylli ki kali, kiba ia dih buaid bad kiba leh ia ki kam jaboh hapoh kali. Ha katei ka jingleit khynra, kaba ha ka 24tarik Jymmang bad ka 1tarik Jylliew 2014, la ioh ban kem ia kitei ki briew bad la aiti sha ki bor shnong, ha kaba ki la shain kuna bad la iathuh ba kitei kiba leh ruh, ki la pan map, namar katei ka jingleh pohjait pohrati jongki. La pyllait ba kin leit na katei ka jaka, da ka jingmaham kaba tyngeh, ba kin nym mlien shuh nangne shakhmat. Ka Union, ka maham namarkata, ia ki kali kiba don ha kitei ki jaka, hadien ka por 6baje janmiet, ba kan shim ia ki number jongki bad ba kin ai jingujor sha ki bor pulit, ba kin leh ia kaba donkam, ong ka kyrwoh khubor, na U bah Pynbhalang Mylliem, Publicity Secretery ka KSU Mawkajem Unit.