Kurup jaket GNLA, na ka shnong Awek

Nongstoin, 17 Nailar:
Katkum ka jingioh jingtip kaba thikna mynta ka step, na ka liang jong ki pulit ka WKHD, ki la hiar sha ka Shnong Awek kaba don ha ki thain border ka East Garo Hills, ban pynlong ia ka jingkhynra lehnoh kaba jur; la ioh jingtip ruh ba katei ka jingleit khynra ki pulit kila ioh ban kurup ruh kawei ka jaket ba ju pyndonkam ban phong da ki lehnoh ka GNLA.
Ia katei ka jaket la ioh ban kurup na u wei u briew u ba la tip kyrteng kum u Bostic u ba dei na katei ka Shnong, bad la ioh jingtip ruh ba u tei u briew u dei ruh u ba ju iarap bha ia katei ka kynhun kieng atiar na Garo.