Shillong:Ka Cantonment Beat House Police lem bad ka Special Party, ha ka janmiet jong ka 17 tarik u Nailar 2022, ka la ïoh bat bad kem ïa arngut ki runar kiba don kti ha ki kam khaïi ne dih drok bad ïoh kurup ruh haduh 50 gram u drok Heroin na kitei ki briew, kiba don hapoh ka Harijan Colony, Thewïewmawlong, Shillong.
Katkum ka kyrwoh, na ka East Khasi Hills Police, la ong ba ha ka miet jong ka sngi balang, ka Cantonment Beat House police ha ryngkat bad ka Special Party, ki la ïoh kem ïa kine ki runar katba ki dang leit ban ïaid pahara ha katei ka jaka. Ki pulit ki la ïohi ïa ka rukom leh sopsop bad leh buit tuh jong kine ki briew kumta mar mar khlem la pynslem ki la pynlong ïa ka jingtohkit kaba bniah, tat haduh ban da lap ïa ka sabut ka satar.
Ha ka jingtalasi, ki Pulit da ka jingiarap lang jong ka kynhun Anti Narcotics Task Force (ANTF), ki la ioh kurup ia saw tylli ki synduk sabon ba thep ia u droks heroin ba khia haduh 50.37 gram.
Nalor u drok, ki pulit ki la ioh tan ruh ia ka pisa kaba kot T. 28,050, bad artylli ki mobile phone bad kawei ka Scooty Aprilla kaba tymmai ba don u Nombor ML05X- 5083.
Ki pulit ki la register case ia kine ki arngut hapoh ka kyndon NDPS Act bad ka jingtohkit mynta ka la iaid shakhmat.
Phi don ban ong eiei?