Imphal: Ki shipai Assam Rifles myn hynnin ka sngi, ki la ioh kurup ia u droks bad kiwei ki jingdih pynbuaid kiba shongdor T.28 klur na kawei ka jaka kaba don hajan Moreh, kaba don ha khappud jong ka India Myanmar, ha Tengnoupal district jong ka Manipur.
U Lt Col P Khongsai, uba dei u nong aiktien jong ki shipai, u iathuh ba ia kitei ki droks la ioh kurup bad la tohkit naduh ka sngi Saitjain.
Lyngba ki jingtip kiba bniah, la leit talasi ia kawei ka iing ha Phaicham Veng, Moreh, kaba dei ka iing jong ka Vahjahat Haokip bad ha ka jing talasi, la lap ia ki tiar ba la buhrieh ha ka sad jong katei ka iing.
Ki tiar kiba la ioh kurup, ki long 5,04,000 WIY (World Is Yours), kiba khia 53.54 Kg, ka Crystal Ice Myth kiba khia 15.269 Kg, ki Ketamine kiba 2.206 Kg, ki Phencydile 194 bitor, ki pisa India, kiba don T.74,150 bad ki pisa Burma kiba don 49,000 Kyats. La khein ba baroh kitei ki tiar ba la ioh kurup ki poi sha ka T.28klur.
Phi don ban ong eiei?